اصل الكُنية ..ليه بنقول لمصطفي يادرش ومحمود ابو حنفي و اسماعيل ابو السباع والسيد يا ابوالعربي ؟؟!

 

#الجورنالجي #علي_حسن #الكنية

إعداد/ سارة سامي 

اصل الكنية ..

ليه بنقول لمصطفي يادرش ومحمود يا ابو حنفي و اسماعيل يا ابو السباع ؟؟!!!..

دي الألقاب اللي أطلقناها احنا العرب ع بعض الأسماء  لحد ما بقت تراث تتناقله الأجيال بدون معرفة السر من وراء تلك التسمية .. 

وبالبحث هتكتشف ان التسميات او الالقاب دي مش محض صدفة ولا من وحي الخيال ..

 ولكن لكل لقب او تسمية من دول قصه ليها اصل تاريخي ..

**مصطفي درش او ابو درش ..

وده واحد من الأسماء المنتشرة في مصر واللي يعتبر كنيه او لقب لاسم مصطفى

 واصل التسمية ب(درش) بيرجع للدولة العثمانية وتحديدا للسلطان مصطفى العثماني اللى حكم الدولة العثمانية فترة زمنية بسيطة كانت من ١٦١٧ الي ١٦١٨ ولشدة ولعه بالطرق الصوفية وحبه ليها

 أصر القصر العثماني ع إبعاده عن شئون الدولة وعزله من منصبه…ليعود ويتفرغ تماما للصوفية حتى أطلق علية لقب درويش 

والدرويس هي كلمة من اصل فارسي ومعناها ع باب الله اما في اللغة التركية فتعني الراهب وفي المعنى المصري بيتقال على الدرويش المجذوب لله لحد ما حرفت الكلمة ل درش من باب الاستسهال .

**اسماعيل .. أبو السباع ..

وده اللقب اللي بيطلق في العادة ع اسم اسماعيل والسبب من وراء التسمية يرجع لسنة ١٨٦٩ لما بدا الخديوي اسماعيل في تنفيذ مشروع إنشاء كوبري قصر النيل 

عشان يربط ميدان التحرير بضفة النيل الغربية .. ومن حب الخديوي اسماعيل في السباع ( اللى هي الاسود ) أرسل لوزير الداخلية شريف باشا سنة ١٨٧١ يقوله أنه كلف الخواجة جاكمار بعمل اربع تماثيل سباع متوسطة الحجم لوضعها اعلي كوبري قصر النيل  ..

 وبالفعل تم تشكيل لجنة تمثلت في جاكمار والمثال الكبير اوجين جيليوم والمصور الشهير جان ليون للإشراف ع عمل التماثيل في مدينة  باريس بفرنسا وتم اعتماد مبلغ ١٩٨الف فرانك للصرف ع التماثيل وعندما وضعت ع الكوبري أطلقوا ع الخديوي اسماعيل وقتها ابو السباع لينتقل اللقب تدريجيا ويطلق ع كل من يحمل نفس الاسم ..

**محمود .. ابو حنفي ..

وده نسبة لاشهر تلاميذ الإمام أبو حنيفة اللي كان اسمه أبو المؤيد محمود الخوارزمي وده اللي جمع كل الأحاديث اللي أخرجها أبو حنيفة ..

**ابراهيم .. ابو خليل

وده نسبة لسيدنا "إبراهيم" عليه السلام اللي كان معروفا باسم "ابراهيم الخليل"وبرضه نسبة للمسجد الإبراهيمي اللي موجود في مدينة الخليل في مغارة المكفيلة التي يُعتقد أن سيدنا "إبراهيم" عليه السلام دُفن فيها.

**محمد .. ابو القاسم

في بعض الدول العربية وأهل الشام تحديدا يكني اسم محمد بــ أبو القاسم وده نسبه لسيدنا محمد صل الله عليه وسلم الملقب بأبي القاسم

**عبد الرحمن .. ابو عوف

وأبو عوف هو احد الالقاب الدارجة أيضا في بعض الدول العربية والتي تطلق ع اسم عبد الرحمن نسبة للصحابي الجليل عبد الرحمن ابو عوف

**يوسف .. ابو حجاج

وده نسبة للقائد الاموي ابو حجاج الثقفي الذي حكم بلاد الشام  والحجاز .. أما في العراق فيكني يوسف بأبو يعقوب نسبة لسيدنا يوسف .

**سيد ..  ابو العربي

وده لقب أو كنية معروفة و متأصلة في مدينة بورسعيد وأصلها يرجع لنشأة المحافظة اللي كانت متقسمه وقتها  لحيين فقط هما الحي الافرنجي وده اللي كان بيسكنه الأجانب والأتراك والحي العربي 

اوالعرب كما يطلق عليه في بورسعيد وده الحي الوحيد اللي كان يسكنه العرب من أهل المدينة اللي كان معظمهم بيسموا أبنائهم سيد وبينادوه ابو العربي ..

**حسن .. ابو علي .. وزينب .. ام هاشم .. وفاطمة .. النبوية

ودي كلها القاب لها طابع إسلامي وتنسب لآل بيت رسول الله ..