أوقات الشدة تصنع الرجال الأقوياء ..تجربة محمد صلاح قبل الاحتراف

في مرة انا ومعايا لاعب من المقاولين العرب  قالي تعالى نبات الأسبوع ده في القاهرة عند خالي , فكلمت أبويا وإداني 60 جنيه , المهم روحنا لخالو في منطقة العاشر من رمضان فمكنش موجود ، وفضلنا لـحد بالليل مش عارفين نعمل أيه فـ قالي هنروح لواحد حبيبي نبات عنده .

لقيته رايح منطقة التُرب قولتله لأ مش هعرف أبات وأنام هنا , قالي أنا أعرف واحد في النادي حبيبي هنبات هناك من ورا النادي فـ روحت فارش عند بوابة نادي المقاولين وحطيت الكوتش بتاعي تحت دماغي وصحيت الساعة 6 الصبح قبل ما ييجوا فطرنا وروحنا التمرين .

تاني يوم خاله برضو مكنش موجود ومعرفناش ننام عند البوابة بتاعت النادي علشان كانوا بيعملوا حاجة هناك فـ نمنا في ملعب من ملاعب النادي, وفرشنا بطاطين ونمنا على الأرض والدنيا كانت شتا وتلج .

وقتها كنت عايز أعمل أي حاجة عشان أصحى أروح التمرين ، وكنت مكسوف أقول لأبويا عاوز فلوس تاني رغم إنه كان هيديني 

 فكان يقولي مرتاح؟ اقوله أه  ... يقولي طب عايز فلوس؟ أقوله لأ ... مع اني عايز