الصاحب المفقود

الصاحب المفقود ...,

كان عندي صاحب كان تملي يكون فى ظلي 
كان فاضلي .. لما كل الناس  تقول سلام 
كان فهمني حتي من غير مـ يكون بينا كلام

بعد الجواز واللفه وتصليح المحابس 
قلت حكاوينا ..... وخطفتنا المدارس
وبقينا ندعي لربنا يصبح لبيتنا سند وحارس

وبقينا فجأه بنجري عـ العيش والزبادي 
بعد ما كنا تحت البيوت نفضل ننادي
بقينا وقت السهره قاعدين فى البيوت

اياك يا صحبي تقدر ف يوم تنسي الحكاية 
وتكون هموم البيت........ .. سجن للنهاية  

ابقي اسأل........يا صديقي يا رفيقي يا اخويا يا ابني
ابقي شوفني فذكري ليك ازاي قدرت فـ يوم  تفوتني

شخابيط على حسن 10/11/2019