ظاهرة الاستبصار..كيف يستطيع الإنسان أن يرى المستقبل؟؟!
إعداد/ سارة سامي
اوقات تحس فجأه ان في حاجات هتحصل حتى لو بسيطه تتوقع مثلا وقوع برواز او كوبايه هتتكسر رغم انك شايفهم في وضع ثبات وفجأه وانت بتبصلهم يقعوا فعلا وياتلحق تفاديهم يايتكسروا..؟
هو ده الاستبصار واحده من أغرب الظواهر اللي اتحير العلم في تفسيرها .. ظاهره موجوده ومعروفه من مئات بل آلاف السنين.. لكن عجز العلم عن تفسيرها طب ايه معني الاستبصار؟؟!
وهي عباره عن حاله روحانيه بتصيب بعض الأشخاص وبتمنحهم القدره ع ادراك بعض الأمور قبل وقوعها...وفي قول اخر اعتبرها بعض الباحثين موهبه بيمتلكها البعض باختلاف ديانتهم وجنسيتهم ومعتقداتهم بتخليهم يعرفوا المستقبل ويشوفوه كأنه كتاب مفتوح قدامهم قادرين يقرأوا كل سطوره.
والاستبصار في حد ذاته هو مصطلح من مصطلحات كتير أطلقت ع نفس الحاله ذي الشفافيه والتنبؤ والحدس والحاسه السادسه.
وهنا احنا مش بنتكلم عن سحر او شعوذه او تسخير للجن.. ولكن الحديث عن ظاهره موجوده بالفعل عند بعد البشر باختلاف قوتها ودرجتها.
حالات الاستبصار كتيره ومتعدده ومختلفه في مضمونها في بعض الأحيان وباختلاف الأشخاص.. لكن التاريخ ذكر حالات تنبأ فيها بعض الأشخاص بأحداث هتحصل وسردوها بشكل تفصيلي كأنهم شافوها او عاشوها فعلا زي الحادثه اللي حصلت سنة ١٩٧٨ في ولاية ويلز البريطانيه لما تم القبض ع شخص في قطار متجه لولاية جلاسكو الاسكتلانديه لانه مدفعش تمن تذكرة القطر.. الراجل كان في حاله عصبيه جدا وبيحاول يبرر نسيانه دفع التذكره بسبب استعجاله لانه عايز يوصل ولاية جلاسكو في أقرب وقت وبأي تمن.
ولما سالوه ايه السر الاستعجال.. قالهم انه عايز يحذر السكان هناك من زلزال مدمر هيضرب المدينة.
طبعا كلامه اتقابل بسخريه وتهكم وانتشر الموضوع في الإعلام المحلي ع انها حكايه طريفه لشخص مدعي عشان يتهرب من دفع تذكرة القطر.. المفاجأه ان بعد ٣ اسابيع بس من حكاية القطر ضرب مدينة جلاسكو زلزال مدمر نتج عنه وقوع عدد كبير من القتلى والمصابين وخسائر ماديه كبيره.. دي مش الحكاية الوحيده.. لان الحالات كتير ومتعدده فهختصر لحضراتكم بعضها .
مورجان روبوتسون.. كاتب وروائي أمريكي سنة ١٨٩٨ كتب روايه اسمها تيتان بتتكلم عن سفينه ضخمه اسمها تيتان بتغرق في شمال الأطلسي بعد مابتصتدم بأحد الجبال الجليديه روبتسون في الروايه اتكلم عن صلابة وقوة السفينه ودقة صنعها .
وحدد تفصيليا نوع الركاب اللي قال إنهم كانوا من اثرياء المجتمع الأوروبي.. لحد هنا انت ممكن تتخيل ان التشابه بين الروايه والواقع مجرد صدفه عاديه لكن لما تسترسل في أحداث القصه اللي من وحي خيال المؤلف هتلاقي انه ذكر ان قوارب النجاه اللي كانت موجوده ع السفينه كانت غير كافيه لنقل الناجين والاغرب ان السفينه كانت بتقوم برحلتها الأولى ضمن أحداث الروايه وانها كانت الرحله الاخيره بعد ماغرقت في احد ليالي شهر أبريل!!! لكن المفاجأه الاكبر ان الروايه صدرت سنة ١٨٩٨ يعني قبل غرق تيتانك سنة ١٩١٢ ب١٤ سنه.. مورجان روبتسون مات مسموم بعد حادث تيتانك ب٣ سنين سنة ١٩١٥ وقيل انه انتحر عشان ينهي حالة تأنيب الضمير والندم الشديد اللي كان عايش فيها.. مات الكاتب وساب وراه علامات استفهام كتيره عن سر التطابق بين احداث روايته والواقع .
*جاك كازوت او الشيطان العاشق .. نسبة لاحد رواياته هو كاتب وروائي فرنسي تنبأ بثورة فرنسا قبل قيامها بسنه واحده في احد السهرات الاغنياء واللي كان موجود فيها نبلاء ومثقفين ورجال دوله كلهم كانوا بيتكلموا عن حلمهم في قيام ثوره في فرنسا وأنهم اكيد مش هيعيشوا لحد مايشوفوا اليوم ده.. لكن قاطعهم كازوت وقالهم انهم هيعيشوا ويشوفوا الثوره بعينهم ومش بس كده كلهم هيتحاكموا وهيعدموا بايادي الثوره اللي هما منتظربنها بعد ماتنحرف عن مسارها وحكي لكل واحد فيهم بالتفصيل طريقة موته وبرغم سخريتهم منه ومن كلامه الا ان دقة سرده لتفاصيل والأحداث اللي هتحصل خلتهم يخافوا.. وسالوه طب وانت هيحصلك ايه قالهم نفس مصيركم.. وفعلا بعد سنه واحده اندلعت الثوره الأولى لفرنسا واتحققت نبؤته بالحرف وكل اللي كانوا موجودين في السهره ماتوا تباعا بنفس الطرق اللي قالهالهم وهو كمان كان احد المثقفين اللي اعدموا بسبب معادتهم لاحكام الثوره.. حكاية كازوت حقيقيه وسجلها بالفعل احد الكتاب اللي كانوا حاضرين السهرة في احد كتبه وفيها تفاصيل كتير لا تساع الحلقه ذكرها وهيكون فيه حلقه خاصه عن سر العجوز كازوت اللي تنبأ بقيام الثوره الفرنسيه في وقت مكنش حد مصدق ان ده ممكن يحصل الا بعد عشرات السنين؟!
الحقيقه اننا لو امعنا النظر في التاريخ نفسه هنجد حالات مشابهه ممكن ان تحمل صفة الاستبصار حتى ولو لم يكن اصحابها ع درايه بذلك زي مثلا الملك في قصة سيدنا يوسف لما شاف سبع بقرات ثمان وسبعه هزيله.. وكان تفسيرها يخص المستقبل.
وغموض بعض أحداث مسلسل الكرتون الشهير سيمبسون اللي تنبأت باحداث معينه قبل وقوعها زي جائحة كورونا وترشيح ترامب لمنصب رئيس أمريكا وموت لاعب السله الشهير كوبي براينت هو وابنته في حادثة طياره والحرب في سوريا.
التعليقات على الموضوع