من بورسعيد لأبو ظبي.. إبراهيم عادل "رحلة كفاح"

 

من بورسعيد لأبو ظبي.. إبراهيم عادل "رحلة كفاح"

إبراهيم عادل، ابن نادي المريخ البورسعيدي، اللي بدأ من تحت الصفر، حكى حكاية كفاحه بكل فخر بعد ما انتقل لفريق الجزيرة الإماراتي.

بيقول:

"عافرت كتير، وبدأت من نادي المريخ، ومنه لبيراميدز، وعديت بصعوبات كتيرة، لكن ربنا كرمني ووصلت لنادي كبير زي الجزيرة. هدفي؟ إني أكتب اسمي في تاريخ النادي، وأحقق بطولات تفرّح الجمهور."

👕 وعن النني، بيقول:
"محمد النني كان سند كبير ليا، شجعني أجي الجزيرة وقالّي: النادي كبير وهتنجح هنا بإذن الله.. وفعلاً ما اترددتش لحظة."

🎯 ولما اتكلم عن لحظة ما ينساهاش، قال:
"هدفي في باراجواي في الأولمبياد ده كان من أحلى لحظات حياتي."

💬 أما عن قدوته:
"محليًا بحب أبو تريكة.. وعالميًا كنت دايمًا بستمتع بلعب هازارد."

📿 إبراهيم كمان اتكلم عن حياته الشخصية:
"بحب شغلي وصلاتي، وبقضي وقتي مع أهلي.. وساعات بلعب بادل."

🔴 واختتم كلامه برسالة للجمهور:
"استنوني، وإن شاء الله أكون إضافة قوية للجزيرة.. بدعمكم نحقق البطولات ونفرّحكم."

#إبراهيم_عادل | #نادي_الجزيرة | #الجورنالجي